ТАВАН НАСТАЙ ЗЭЭГЭЭ ХҮЧИРХИЙЛЭХИЙГ ЗАВДЖЭЭ

Сэтгүүлчийн үг

Бага насны охидыг хүчирхийлэх гэмт хэрэг буурахгүй байгаа нь хуулийн байгууллагынхны анхаарлыг татдаг. Өнөөдрийн байдлаар улс орон даяар хүүхдийн гэмт хэргийн эсрэг “Зөв тусгал” аян явагдаж буй. Тус аяны гол зорилго нь эцэг эхчүүд рүү чиглэсэн нөлөөлөх ажиллагаа явагдаж байгаа тухайн албаныхан мэдээлж байгаа.

Хүүхдийн өөрийн биеийг хамгаалах чадваргүйг ашиглан бусармаг үйлдлээ гүйцэлдүүлэгчдийн 70% нь гэр бүлийн хамаарал бүхий этгээдүүд байдаг гэх судалгаа бий. Цагдаагийн байгууллага өдөр бүр хяналт тавьж, сэрэмжлүүлэг мэдээлж ажилладаг ч архи согтууруулах ундааны хэрэглээнээс үүдэлтэй гэмт хэргийн гаралт төдийлөн буурахгүй байна. Гэмт этгээдүүд согтууруулах ундааны зүйл хэтрүүлэн хэрэглэсэн үедээ биеэ хянах чадваргүй болдог. Энэ байдлын золиосонд бяцхан охид бие махбодь, сэтгэл санаагаараа хохирон үлдэж байна.

Тавдугаар сарын 13-ны өдөр өөрийн зээ охиныг согтуурсан үедээ хүчиндэхийг завдсан хэрэг гарчээ. Тодруулбал, хэрэг гарсан өдрийн оройн 10 орчимд бага насны хүүхэд хүчиндэх гэж байна гэх мэдээллийг цагдаагийн байгууллагад ирүүлсэн байна. Хэргийн газарт очиж шалгахад эрэгтэй 48 настай иргэн Б нь өөрийн зээ охин болох таван настай А г хүчиндэхийг завдсан үйлдлийг таслан зогсоож, гэмт үйлдлийг баримтжуулан авсан байна.

Уг гэмт хэргийн мэдээллийг цагдаагийн байгууллагад сэжигтэн Б-ийн охин өгсөн бөгөөд хэргийн газарт очиход өрөөг дотроос нь түгжсэн байсан аж. Охин цагдаад мэдээллэхдээ “Манай аав эгчийн охин А-г хүчиндэх гээд өрөөнд нь орчихлоо” гэж мэдээлсэн байна. Энэхүү хэргийг материалжуулан Хан-Уул дүүргийн цагдаанийн нэгдүгээр хэлтэст шалгаж байна.

СЭРЭМЖЛҮҮЛЭГ:Иймд иргэн та бага насны хүүхдээ байнгын хараа хяналттай байлгах, архи согтууруулах ундааны зүйл хэтрүүлэн хэрэглэсэн хүний дэргэд байлгахгүй байх, асран хамгаалах үүргээ биелүүлж өөрийн хүүхдийн аюулгүй байдлыг тогтмол хангаж байхыг анхааруулж байна.

                                                                                                                                                  Эх сурвалж www.wikimon.mn



АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?