Д.ТРАМПАД СЭТГҮҮЛЧ АЛГА БОЛСОН АСУУДАЛ ТААЛАГДАХГҮЙ БАЙНА ГЭВ

Сэтгүүлчийн үг

Энэ сарын 2-нд Туркийн Истанбул хот дахь Саудын Арабын Ерөнхий Консулын газар очсоныхоо дараа алга болсон сэтгүүлч Жамаль Хашкажид санаа зовниж буйгаа АНУ-ын Ерөнхийлөгч Дональд Трамп илэрхийлжээ. 

“Саудын Араб сэтгүүлч Хашкажийн алга болсон явдалд би санаа зовж банйа. Энэ үйл явдал надад таалагдахгүй байна. Одоогоор энэ талаар хэн ч юу ч нарийн мэдэхгүй байна” хэмээн Д.Трамп сэтгүүлчдэд хэлсэн байна.

Сэтгүүлчийн алга болсон хэрэгтэй холбогдуулан өнгөрсөн даваа гарагт Туркийн гадаад хэргийн яам Саудын Арабын элчин сайд Валид Абдель Карим Аль-Харижиг дахин дуудсан бөгөөд Истанбул дарь Ерөнхий Консулын газар нэгжлэг явуулахыг хүссэн байна.

Саудын Араб гаралтай сэтгүүлч Хашкажи нь Саудын Арабын эрх баригчдын баримталж буй одоогийн бодлогыг шүүмжилдгээрээ алдартай нэгэн бөгөөд 2017 онд тэрбээр эх орноосооо явж, АНУ-д суурьших болсон байна. “The Washington Post” сонинд тэрбээр Саудын Арабын нөхцөл байдал, тус улсын дотоод бодлогод дүн шинжилгээ хийсэн нийтлэлүүдийг байнга бичдэг нэгэн аж. 



АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?