НЭГДҮГЭЭР СУРГУУЛИЙН ЗАХИРАЛ Г.БУМ-ЭРДЭНИЙГ БАРИВЧИЛЛАА

Сэтгүүлчийн үг

АТГ-аас өчигдөр баривчлагаа хийжээ. Ингэхдээ хахууль авсан,  өгсөн хүнийг хамтад нь хамт саатуулсан байна. Тодруулбал, Нэгдүгээр сургуулийн захирал Г.Бум-Эрдэнэ нэгдүгээр ангид хүүхэд элсүүлэх, дунд ангиас хүүхэд шилжүүлэн авахдаа хахууль авдаг байжээ. Харин өчигдөр нэгэн иргэн түүнд хахууль өгч байхад нь АТГ-ынхан үйлдэл дээр нь баривчилсан байна. Тиймээс түүнийг хахууль өгсөн хүнтэй нь хамт саатуулсан аж. 

Хэргийг үргэлжлүүлэн шалгаж байна. 

Сануулахад, АТГ өнгөрсөн оноос эхлэн улсын хэмжээнд төрийн байгууллагуудаар шалгалт хийж буй. Тодруулбал, шалгалтад  яам, агентлаг, нийслэл, дүүрэг, аймаг, төрийн өмчит аж ахуйн нэгжүүд хамрагдаж байгаа юм. Шалгалтын үеэр олон зөрчил илрүүлж, зарим зөрчлийг нарийвчлан шалгахаар Мөрдөн шалгах хэлтэс, Гүйцэтгэх ажлын хэлтэстээ шилжүүлж байсан. Энэ дагуу эхнээсээ арга хэмжээ авагдаж эхэлсэн бололтой. 

Мөн АТГ-аас Засгийн газарт зөвлөмж өгсөн байдаг. Улмаар зөвлөмжийнхөө биелэлтийг шаардаж энэ жил дахин шалгалт явуулсан ч зөвлөмжийг зарим байгууллагууд биелүүлэхгүй байгаа аж. АТГ-ын зөвлөмжийн хэрэгжүүлэхгүй байгаа нь иймэрхүү авлигын гэмт хэрэг гарах шалтгаан болж байна.



АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?