ХӨХ ХОТОД "ЧИНГИС ХААН" АГААРЫН ТЭЭВРИЙН КОМПАНИ АЖИЛЛАЖ ЭХЭЛЛЭЭ

Сэтгүүлчийн үг

БНХАУ-ын Өвөр Монголын Өөртөө Засах Оронд “Чингис хаан” гэж нэртэй агаарын тээврийн компани байгуулагдсан бөгөөд ирэх жилээс анхны нислэгээ хийж эхлэх ажээ.

Тус компани дотооддоо үйлдвэрлэсэн “ARJ21” тийрэлтэт онгоцоор нислэг үйлдэх бөгөөд ирэх таван жилийн хугацаанд 25 нисэх онгоцтой болно гэж тус компанийн тэргүүн Хао Юйтао мэдэгдлээ.

“Чингис хаан” агаарын тээврийн компани байгуулах зөвшөөрлийг гуравдугаар сард БНХАУ-ын Иргэний агаарын тээврийн удирдах газраас авсан бөгөөд тус компани нисгэгч, үйлчлэгч, засвар үйлчилгээний техникч гээд мэргэжлийн багыг бүрдүүлсэн байна.

Компанийн гаргасан төлөвлөгөөний хүрээнд бид ирэх таван жилийн хугацаанд ӨМӨЗО-ны 40 цэгийг холбох агаарын 60 маршрутын дагуу нислэг үйлдэнэ гэж Хао мэдэгдсэн байна. Мөн тэрбээр, компани найман жилийн дараа 50 нисэх онгоцтой, 150 чиглэлд нислэг үйлдэх төлөвлөгөөтэй байгаа бөгөөд цаашдаа олон улсын нислэг үйлдэх зорилготой байна гэж мэдэгдэв.

ӨМӨЗО-нд нисэх онгоцны 28 буудал үйл ажиллагаа явуулдаг байна.

БНХАУ-ын Арилжааны нисэх онгоцны корпорацийн үйлдвэрлэсэн “ARJ21” нисэх онгоц нь 78-90 хүний суудалтай, 3700 км урт зам туулах хүчин чадалтай ажээ.



АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?