ИХ БРИТАНИЙН ХОХИРОГЧДЫГ "НОВИЧОК" БОДИСООР ХОРДУУЛЖЭЭ

Сэтгүүлчийн үг

Өнгөрсөн 6 дугаар сарын 30-нд Их Британийн Солсбери хотоос 10 км зайд орших Эймсбери хотод үл мэдэгдэх бодист хордсон 2 хүнийг гэртээ ухаангүй хэвтэж байхад нь цагдаа нар олсон тухай  өмнө нь “ТАСС” агентлаг мэдээлж байсан юм. Тэгвэл энэ 2 хүнийг ОХУ-ын Тагнуулын ерөнхий газрын хурандаа асан Сергей Скрипаль болон түүний охин Юлия нарыг хордуулсан мэдрэл саажуулах “Новичок” бодисоор хордуулсан болохыг Скотланд-Ярдын терроризмтэй тэмцэх хэлтсийн тэргүүн Нил Басу мэдэгджээ.

Гэсэн хэдий ч хохирогчид яаж энэ бодист хордсон талаар Их Британийн Скотланд-Ярд дахь цагдаагийн газар одоогоор олж илрүүлээгүй байна. Эймсбери хотод хордсон хүмүүс С.Скрипалийн байсан газраар яваагүй гэж Басу онцлон тэмдэглэжээ.
 
Цагдаагийн газар энэ хоёр хэрэг холбоотой эсэхийг судлахаар ажиллаж байгаа аж. "Энэ хэрэг С.Скрипальд тохиолдсон хэрэгтэй холбоотой эсэх, түүнчлэн хохирогчдыг зориуд хөнөөхийг завдсан уу, санамсаргүй тохиолдол байв уу гэдгийг одоогоор хэлэх боломжгүй байна" гэж Басу мэдэгдсэн байна.
 
Хордсон 2 хүний биеийн байдал тун хүнд байгаа гэнэ. Тэднийг Солсбери хотын эмнэлэгт хүргэсэн байна. Цагдаа нар хосуудыг эхлээд хар тамхи хэрэглэсэн байж магадгүй гэж үзэж байжээ.

Өнгөрсөн 3 дугаар сарын 4-нд С.Скрипаль болон түүний охин Юлия нар мэдрэл саажуулах "Новичок" бодист хордсон билээ. Тэднийг Их Британийн Солсбери хотын “The Maltings” худалдааны төвийн ойролцоо ухаангүй хэвтэж байхад нь олсон юм. 



АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?