"ЭРДЭНЭТ"-ИЙН АСУУДЛААР САНАЛ ХҮРГҮҮЛЭВ

Сэтгүүлчийн үг

Улаанбаатар /МОНЦАМЭ/. УИХ дахь АН-ын бүлгээс УИХ-ын дарга М.Энхболдод “Эрдэнэт үйлдвэр” ХХК-ийн 51 хувийг 'Стандарт' банкинд барьцаанд тавьсан асуудлаар яаралтай ажлын хэсэг байгуулах санал хүргүүллээ.

Уг шаардлагад, “Эрдэнэт үйлдвэр” ХХК-ийн төрийн өмчлөлийн 51 хувийг зээлийн баталгаанд гарсан “Жаст групп” ХХК нь Өмнөд Африкийн “Стандарт” банкнаас зээл авсан байх бөгөөд уг компани зээлээ хугацаандаа төлж чадаагүйгээс “Стандарт” банк Лондонгийн Арбитрын шүүхэд хандаж нэхэмжлэл гаргасан. Улмаар Арбитрын шийдвэр нэхэмжлэгчийн талд гарч “Эрдэнэт үйлдвэр” ХХК нь зээлийн батлан даагчийн хувьд 109 сая ам.доллар төлөхөөр болсон. Тиймээс тус үйлдвэрийн 51 хувийг баталгаанд гаргаж, 'Стандарт' банкнаас хэчнээн хэмжээний зээл авсан, уг үйл ажиллагаа Монгол Улсын хууль тогтоомжийн дагуу явагдсан эсэх, баталгаа гаргасан холбогдох албан тушаалтнууд хууль зүйн хувьд эрхтэй байсан эсэх, тус үйлдвэрийн гадаад улс дахь дансанд орсон эсэх зэрэг асуудал дээр УИХ дахь намын бүлгүүдийн төлөөлөл оролцуулсан ажлын хэсэг нэн яаралтай байгуулах захирамж гаргахыг хүсч байна" гэжээ.

 

 

 
 


АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?