“Таван толгой” компани 3.1 сая тонн нүүрс экспортолжээ

Сэтгүүлчийн үг

Өмнөговь аймгийн орон нутгийн өмчит “Таван толгой” компани оны эхний гурван улиралд 3.1 сая тонн нүүрс экспортолжээ. Тус компани энэ онд дөрвөн сая тонн нүүрс экспортлохоор төлөвлөөд байгаа юм. "Таван толгой” компани коксжих нүүрсээ уурхайн амнаас 55 ам.доллараар борлуулж байна. 2016 онд 4.11 сая тонн нүүрс олборлож, 4.03 сая тонныг экспортолж байсан байна. Экспортын төлөвлөгөөгөө биелүүлэхэд БНХАУ-ын хилийн боомтын хязгаарлалт болон “Таван толгой”, “Энержи Ресурс”, “Эрдэнэ Таван толгой компаниудад олгосон нүүрс тээврийн квотын асуудал хүндээр нөлөөлж байгааг олон улсын мэдээллийн агентлагууд мэдээлсэн байна. “Таван толгой” компани коксжих нүүрсээ уурхайн амнаас 55 ам.доллараар борлуулж байгаа бол тээвэртэй нөхцөлөөр 75 ам.доллараар, сул коксжих нүүрсийг 35 ам.доллараар экспортлож байгаа аж. Харин орон нутгийн хэрэгцээнд жилд 100 мянга тонн нүүрсийг нэг тонныг нь 15 мянган төгрөгөөр худалдсан аж.



АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?