Францын их, дээд сургуульд 10 оюутан тэтгэлгээр суралцуулна

Сэтгүүлчийн үг

Монгол Улсын БСШУСЯ, Бүгд Найрамдах Франц Улсаас Монгол Улсад суугаа ЭСЯ хамтран 2017-2018 оны хичээлийн жилд Франц Улсын их, дээд сургуульд хоёр орны Засгийн газар хоорондын хамтарсан тэтгэлгээр суралцах 10 оюутныг сонгон шалгаруулахаар болжээ.

Тус тэтгэлэг нь хоёр орны хамтын ажиллагааг өргөжүүлэх, өрсөлдөх чадвартай монгол иргэн бэлтгэх, Монгол, Францын их, дээд сургууль, судалгаа, шинжилгээний байгууллага хоорондын хамтын ажиллагааг дэмжих, хөгжүүлэх зорилготой юм байна.

Тэтгэлэг олгох чиглэл нь мастерын сургалт, хоёр талт хамтын ажиллагааны тэргүүлэх чиглэл болох мал аж ахуй, газар тариалан, аж ахуй, хүнс үйлдвэрлэл, малын эрүүл мэндийн шинжлэх ухаан, биотехнологи, сэргээгдэх эрчим хүч, геофизик зэрэг мэргэжлээр суралцах бол давуу тал болох аж.

Элсэхийг хүсэгчид

-Монгол Улсын иргэн байх,

-Франц дахь их дээд сургуульд бүртгүүлэх шаардлага хангасан,

-Монгол Улсад хүлээн зөвшөөрөгдсөн дээд боловсролын бакалаврын дипломтай байх,

Мөн суралцахаар сонгосон сургууль, хөтөлбөрт тавигдах франц, эсвэл англи хэлний түвшингийн шаардлагыг хангасан байх шаардлагатай юм байна. Тэтгэлэгт хамрагдахыг хүсэгч дээр дурдсан баримт бичгийг бүрдүүлэн энэ сарын 26-ны дотор Францын ЭСЯ-нд хүргүүлэх аж.



АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?