Монгол HD “The Voice” шоуг 2018 онд үзэгчдийн хүртээл болгоно

Сэтгүүлчийн үг

Дэлхийн телевизийн салбарын хамгийн том контент "The Voice" шоуг "Авьяаслаг Монголчууд" шоуг хоёр жил дарааллан амжилттай зохион байгуулсан "Монгол ТВ"-ийн уран бүтээлчид эх орондоо хийхээр болжээ. Голланд улсаас гаралтай "The Voice" шоу нь анх 2010 онд зохиогдож өдгөө дэлхийн 62 улсад хийгдээд байгаа аж. Энэхүү шоу нэвтрүүлэг нь “Авьяас, Чанар, Чадвар” гурвын төгс хослолоос бүрдэх бөгөөд “Зөвхөн шилдэг” -үүд оролцдогоороо бусад авьяас тодруулах шоунаас ялгаатай аж.

Энэ талаар "Монгол ТВ"-ийн захирал Ч.Номин “Шоуг 2015 оноос энэ төслийг хийхээр хөөцөлдөж эхэлсэн юм. Бүтэн жил хэлэлцээр хийсний дараагаар сүүлийн таван сарын хугацаанд гэрээний нөхцөл болгон дээрээ тохиролцоонд хүрч өнгөрсөн сард гэрээгээ эцэслэлээ. Нэвтрүүлгийн бэлтгэл ажлыг хангах сургалт хоёрдугаар сарын 18-нд эхлэх гэж байна” хэмээн ярьжээ.



Энэхүү шоунд дуулахыг мөрөөдөгсөд бус жинхэнэ дуулах авьяастай нь өрсөлдөх гэнэ. Тус шоуны шалгаруулалт, телевизээр гарах эхний шат буюу сонсох шат, хоёрдугаар шат буюу халз тулаан, гуравдугаар шат буюу хагас шигшээ амьд тоглолт, финал гэсэн дөрвөн үе шаттай. “The Voice” шоунд оролцогчдыг эфирт гарахаас өмнө хоёр удаа урьдчилсан шалгаруулалтад оруулах гэнэ. Шоуг 2018 онд үзэгчдэд хүргэхээр төлөвлөжээ.

эх сурвалж:zuv.mn Б.Сондор 


АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

  • Зочин

    ЗОЧИН [103.50.206.xxx]

    ЭДНИЙХ ЯМАР Ч БАЙСАН МОНГОЛДОО НОМЕР 1. АМЖИЛТ

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?