УИХ-ЫН ГИШҮҮДИЙН ТУСЛАХААС ХАЛДВАР ИЛЭРЛЭЭ

Сэтгүүлчийн үг

УИХ-ын хоёр гишүүний туслахаас Covid-19 халдвар илэрч, батлагджээ. Тодруулбал, УИХ-ын гишүүн Э.Бат-Амгалан, С.Чинзориг нарын туслахуудаас илэрсэн байна.  УИХ-ын Тамгын газрын бүх  ажилчдыг энэ сарын 05-ны өдөр Улсын хоёрдугаар төв эмнэлэгт PCR шинжилгээнд  хамруулсан. Дээрх хоёр тохиолдол өчигдөр /2021.04.06/ батлагдсан байна. УИХ-ын Тамгын газрын ажилчдыг 50 хувийн дүүргэлттэй долоо хоногоор ээлжээр ажиллуулж байгаа юм.  Дөнгөж сая УИХ-ын Тамгын газраас "Ажилчдыг гэртээ харьж, онлайнаар ажил" гэсэн чиглэлийг өгсөн байна.  ЭМЯ-наас өнөөдөр /2021.04.07/ өгсөн 11:00 цагийн мэдээллээр  575  хүнээс халдвар илэрч, дөрвөн хүн нас барсан тухай мэдээлсэн. Ингэснээр халдварын улмаас  нас баралт нийт 17 боллоо.