МОНГОЛЫН ШИГШЭЭ БАГ 10 ДУГААР БАЙРТ ШАЛГАРЛАА

Нийтлэсэн: DAILYNEWS.MN 2020-10-26 00:34

Сэтгүүлчийн үг

Унгарын нийслэл Будапешт хотноо болж буй жүдо бөхийн Их Дуулга тэмцээний сүүлийн өдөр манай баг тамирчдаас эрэгтэйчүүдийн 90 кг-д ОУХМ Г.Алтанбагана мөнгөн медалийн эзэн болов.

Азийн наадмын мөнгөн медальт, Армиудын Дэлхийн аварга, “Алдар” спорт хорооны тамирчин Г.Алтанбагана энэ удаагийн Их дуулгад Францын жүдоч Алексис Матьё, Бразилын бөх Рафаэль Мачедо, Сербийн ДАШТ-ий алт, хүрэл медальт Неманья, Нидерландын жүдоч Ноел Ван Т Энд нарыг дараалан ялсан юм.

Тэрбээр аваргын төлөөх барилдаанд ОХУ-ын бөх Михайл Игольниковт цэвэр ялагдаж аман хүзүүдлээ. Түүний жинд хүрэл медалийг Азербайжаны жүдоч Мехдиев Маммадали, Испанийн бөх Шэразадшвили Николоз нар тус тус хүртэв.

Монголын шигшээ баг, Будапештын Их Дуулгад оролцсон 61 орны багаас 1 мөнгө, хоёр хүрэл, 2 шагналт V байр эзэлсэн амжилтаар 10 дугаар байрт шалгарлаа.



Нийтлэсэн: DAILYNEWS.MN 2020-10-26 00:34

АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Шинэ мэдээ

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?