НАЛАЙХЫН НЭГДҮГЭЭР ТОЙРОГТ ДАХИН СОНГУУЛЬ ЯВУУЛНА

Нийтлэсэн: DAILYNEWS.MN 2020-10-16 01:41

Сэтгүүлчийн үг

Нийслэлийн 453 хэсгийн хороонд санал хураасан бөгөөд сонгогчдын ирц 19.00 цагийн байдлаар 41.1 хувьтай байсан. Энэ удаагийн сонгуулийг хуульд оруулсан нэмэлт, өөрчлөлтийн хүрээнд анх удаа ирцийн босгогүй зохион байгуулж байгаа юм. Өөрөөр хэлбэл, нийт санал өгсөн сонгогчдын олонхын санал авсан нь төлөөлөгчөөр сонгогдоно.

НИТХ-ын 45 мандатаас МАН 34 суудал, АН 8 суудал, ХҮН 3 суудал авчээ. Харин нийслэлийн 9 дүүргийн ИТХ-ын 291 мандатаас МАН-201, АН-75, МАХН-10, МНН-1, Бие даагч 1 суудал авсан байна. Одоогоор, нийслэлийн нийт 453 хэсгийн 50 хувьд нь хяналтын тооллого явуулж байна. Хуульд заасны дагуу хяналтын тооллого явуулах хэсгийн хороог нам, эвслийн ажиглагч, төлөөллийн сонголтоор сонгосон байна. 

Нийслэлийн Налайх дүүргийн 1-р тойрог нь 4 мандаттай бөгөөд МАН болон АН-ын нэр дэвшигчдийн авсан саналын тоо тэнцсэн тул нэмэлт санал хураалт явуулах шаардлагатай болжээ. Хуульд заасны дагуу нэмэлт санал хураалтыг 10 хоногийн дотор явуулах ёстой.



Нийтлэсэн: DAILYNEWS.MN 2020-10-16 01:41

АНХААРУУЛГА: Уншигчдын бичсэн сэтгэгдэлд DailyNews.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй..

Сэтгэгдэл

Санал асуулга

Та өдөр тутмын мэдээ мэдээллээ хэрхэн, хаанаас хүлээн авдаг вэ?