Тэгвэл энэ л сэтгэлийн дэм, сэтгэлийн сүүн жимээр Эрдэнэт хотыхон нэгдэж нэгэн хүүд халуун дулаан аз жаргал, эрүүл мэндийг авчрахаар аяны дөрөөндөө сүү өргөөд байна. Эрдэнэтчүүд залуусын хот, хөгжлийн хот. Эрдэнэтчүүд итгэлийн хот. Тиймээс энэ алдрайхан хүүгийн эмчилгээний зардлыг босгож, эрүүл энх болгож чадна гэдэг хэн бүхэн итгэлтэй байна. Эх хүн бүхэн үрээ өвдөхийн зовлонг мэднэ. Эцэг хүн бүхэн үрээ энэлэхийн хэцүүг мэднэ. Тиймээс л бид эрүүл байхын төлөө, энх амгалан байхын төлөө сэтгэл нэг байдаг билээ. Дүгэрсүрэн хүү одоо нэг настай. Зүрхний дөрвөлсөн гажиг гэсэн оноштой. Монголдоо эмчлэгдэх боломжгүй. Тиймээс Энэтхэг улсад эмчлүүлэхээр болоод байгаа билээ. Эмчилгээний зардалд нийт 80 сая төгрөг хэрэгтэй байгаа. Иймээс л энэ айл Эрдэнэтийхэндээ хандаж, халуун алгаа тосож байгаа юм. Нутгийн зон олон., Эрдэнэт хотын удирдлага, төрийн түшээд ч Дүгэрсүрэн хүүг эрүүл энх сайн хүн болохын төлөө чадах бүхий л талаараа дэмжлэг үзүүлж, аж ахуйн нэгж, албан байгууллагуудаа урриалаад эхлээд байна. Тухайлбал УИХ-ын гишүүн Д.Батлут өөрийн цахим хуудастаа “Энэ хүү бол Эрдэнэтийн хүү. Энэ хүү бол Монголын ирээдүй. Тиймээс би чадах бүхий л боломж бололцоогоороо Дүгэрсүрэн хүүд туслаж, дэмжлэг үзүүлнэ хэмээн мэдээд байгаа.
Мөн Орхон аймгийн Засаг даргын орлогч Түвшинжаргал ээж А.Оюун-Эрдэнийг нь хүлээн авч уулзаж, сая төгрөгийн тусламж үзүүлэн аянд нэгдлээ. Олны хүч оломгүй далай гэдэг. Эрдэнэт хотын гэх тодотголтой бүхэн өнөөдөр Дүгэрсүрэн хүүд сэтгэлийн хандиваа өргөсөөр л байна. Хэдийгээр олныг цар тахлын шуурга дайрч, нийгмийн өнгө хэцүү, хатуу байгаа ч монгол хүн бүхэн сэвлэгээс нь сүүний үнэр аррилаагүй нялх хүүхдийг аюулт өвчнөөс аврах сэтгэл хэн бүхэнд байгаа. Эрдэнэт хот нутаг орныхоо үйл явдал, мэдээ мэдээллийг олондоо түгээж, соён гэгээрүүлэх, танин мэдэхүйн чанартай сайн нэвтрүүлэгээрээ бусдынхаа талархлыг хүлээсэн найман телевизтэй юм байна. Тиймээс ч телевизүүдийн холбоо нь нэгдэж, телевизүүдийн удирдлага нь дэмжиж сар шинийн дарраахан Дүгэрсүрэн хүүд зориулсан хандивын лайв тоглолтыг шууд цацахаар болоод байгаа билээ. Бидний эхлүүлсэн энэхүү аяныг дэмжиж буй сэтгэл бүхэнд баярлалаа. Хайр хайраа цалгиан буцаж ирдэг. Буян хишиг сэтгэлийн сүү үрргэлж л цалгинхан байдаг билээ. Тиймээс Дүгэрсүррэн хүү нутаг орныхоо олон сайхан хүний сэтгэлийн дэм, албан байгууллага аж ахуйн нэгжийг өгөөмөр хишигийн ач тусаар удахгүй эрүүл болно гэж найдаж байна. Яг одоо бол Дүгэрсүрэн хүүгийн ээж А.Оюун-Эрдэнэ амны маск зарж хүүгийнхээ эмчилгээний мөнгийг хуримтлуулах гэж зүтгэж байна. Тэрбээр “ Намайг А.Оюу-Эрдэнэ гэдэг, 40 настай. Би нөхөр, гурван хүүхдийн хамт амьдардаг. Бага хүү Дүгэрсүрэн маань зүрхний төрөлхийн эмгэгтэй төрсөн. Ингээд БОЭТ, Эх нялхас, Сонгодо эмнэлэг гээд яваагүй газар байхгүй ээ. Хүүхдээ эрүүл болгох гэж бүх боломж, эмнэлгийн хаалгыг татсан. Эцэст нь Монголд эмчлэгдэх боломжгүй гэсэн хариу сонсоод Энэтхэг улс руу өвчний оношоо явуулахад 70-80 сая төгрөгөөр хагалгаа хийнэ, хүүхдийг маань эрүүл болгож чадна гэсэн хариу ирсэн. Ингээд мөнгө олоход бүх ухаан, бодлоо “зарж” эхэлсэн. Хүн, хүнээс мөнгө гуйх маш хэцүү. Өвчин хэлж биш хийсч ирдэг гэдгийг өөрийн биеэр эдэлж сууна. Мөнгө олох гээд хандивын тоглолт хийх гэж ч үзлээ. Ковид ч саад боллоо.
Хүнээс үргэлж мөнгө гуйгаад байхаар бас хэцүү юм. Над шиг ийм зовлонтой мянга, мянган хүн байна. Тулаад ирсэн зовлонг туулаад гарахаас өөр зам алга. Хамгийн гол нь Монгол шиг 3,5 сая хүн амтай улсад эдгэшгүй, эмчилж боломгүй ийм өвчин их байгаад харамсаж байна. Зөвхөн зүрхний эмгэгтэй олон хүүхэд гадагшаа эмчлүүлэх гээд мөнгө хайж байна. Гадны 200-300 төслийн байгууллагад эмчлүүлэхээр хүсэлтээ өгсөн хүүхдүүд байна. Өөрт ирсэн зовлонгоо бусад руу чихэхгүй ч тусламжийг хаанаас яаж авахаа мэдэхээ байж арга мухардаж байна. “ гэж ярьж сууна. Дөнгөж ой гарч буй энэ нялх хүүд туслах сэтгэлтэй байгууллага аж ахуйн нэгж бүхнээс ганцхан зүйл гуйя. Хамтдаа нэг өдрийнхөө цалинг л энэ хүүд зориулъя. Таны сэтгэл шингэсэн ажлын бүтээмжтэй, итгэл, хайр болсон их хөдөлмөрийн нэг өдрийн цалингийн орлого нэгэн сайхан хүүг эрүүл болгож чадна. Нэгэн сайхан айлыг элэг бүтэн амьдруулж чадна. Эрдэнэтийнхэн минь энэ хүүд аавын хайраар, эхийн сэтгэлээр дэм болж хандив өргөөрэй.
Хандивын данс: Хаан банк: 5127228711 / Оюу-Эрдэнэ/ Oyu-Erdene Oyu-erdene
Хас банк: 5002426258 /Оюу-Эрдэнэ/
Утас: 99070568, 86225444
