УИХ-аар баталсан хуулиудыг олон нийтэд сурталчлах зорилгоор долоо хоног бүрийн Лхагва гаригт УИХ-ын дарга Г.Занданшатар мэдээлэл хйидэг.
Тэрбээр өнөөдөр “Үнийн өсөлт, ард түмний амьдралын доройтол, түгжрэлийг шийдэх зорилгоор УИХ, Засгийн газар хамтарч Шинэ сэргэлт эрх зүйн шинэтгэлийг хийхээр ажлаа эхлүүлсэн. Энэ хүрээнд эдийн засгийн реформ, нийгмийн бодлогын реформ, засаглал улс төрийн реформ хийхээр багц хуулийн төслүүдээ боловсруулж эхэллээ. Тухайлбал, эдийн засгийн реформ үндсэн гурван хуулиас бүрдэнэ. Тодруулбал
- Эдийн засгийг тогтворжуулах,
- Хөрөнгө оруулалтыг татах, эдийн засгийг төрөлжүүлэх,
- Аж үйлдвэрийг сэргээх.
Монголд инфляци 14.5 хувьтай байгаа бол Турк улсад 85.5 хувийн үнийн өсөлт болж байна. Гадаад ертөнцөөс ирж байгаа цохилт нь манай ард түмний амьдралд хүчтэй нөлөөлж байна. Өнгөрсөн 30 жилийн алдаатай бодлогын улмаас Монгол Улс нь хуримтлалын биш, импортын эдийн засагтай болсон, өрийн дарамт бий болгосон. Үндэсний аж үйлдвэрийг дэмжээгүй алдаагаа засах ёстой. Өрхийн бодит орлого буурч, ядуурал нэмэгдэх эрсдэлд хүрлээ. Төгрөгийн ханш 19 хувиар суларлаа.
Эдийн засгийг тогтворжуулах багц хууль нь гурван хуулиас бүрдэнэ.
- Үнийн өсөлтийг хязгаарлах,
- Валютын ханшийг тогтворжуулах,
- Экспортыг нэмэгдүүлэх чиглэлээр бодлогыг батална.
Хүн амын амьжиргааг дэмжихийн тулд валютын ханшийг тогтворжуулна. Валютын ханшийг хязгаарлахын тулд нөөцийг нэмэгдүүлэх, урсгалыг нэмэгдүүлэх арга хэмжээ авна. Нэг тэрбум ам.доллараар валютын урсгалаа нэмэгдүүлэхийн тулд 1 их наяд төгрөгийн зээлийн хөтөлбөр хэрэгжүүлнэ. Хүүгийн татаасын бодлого хэрэгжүүлнэ. Бүхнийг экспортод шилжүүлнэ.
Үнийн өсөлтийг тогтворжуулахын тулд салбар хоорондын уялдаа холбоог хангах, авлига хээл хахуультай тэмцэнэ. 66.3 тэрбум төгрөгийн хүүгийн татаасын хөнгөлөлттэй зээл олшоно. Импортыг орлох дотоодын үйлдвэрийг хөгжүүлнэ. Хүнсний хангамжийг дотоодоосоо хангана.
Мөн Тендерийн хуулийг шинэчилсэн. Эх оронч худалдан авалтыг дэмжинэ. Хөрөнгө оруулалт, гадаад санхүүжилт татна. Аж ахуйн үйл ажиллагааг дэмжих цогц эрх зүйн орчин бүрдүүлнэ.
Төр хувийн хэвшлийн түншлэлийн тухай хуулийг баталсан. Зөвшөөрлийн тухай хуулиар 1600 орчим зөвшөөрөл олгодог байсныг 362 болгож бууруулсан. Мэргэжлийн хяналтын ерөнхий газраас эхлээд хувийн хэвшлүүдэд үзүүлж ирсэн дарамтыг арилгана. Бизнес хийхэд учирч байгаа бэрхшээл зардлыг бууруулна. Эдийн засгийн болон хөрөнгө оруулалтын хуулийг шинэчилнэ.” хэмээлээ.
