2022 оны 12 дугаар сарын 4-ний 11:01 цагт “Шэньжөү-14” нисэгчтэй сансрын хөлгийн баг сансарт 183 хоног ажилласны дараа Хятадын сансрын станцын цогцолбороос амжилттай салсан ба агаар мандлын давхаргыг туулах зэрэг шат дамжлагатайгаар 12 дугаар сарын 4-ний 20 цаг 09 минутад Дүн Фэн газардах талбайд амжилттай буужээ.
“Шэньжөү-14” нисэгчтэй сансрын хөлгийн багийн гурван гишүүн 6 сарын хугацаанд 3 удаа задгай сансарт гарч ажилласан ба энэ хугацаанд Хятадын сансрын станцыг “Т” хэлбэртэй цогцолбор болгоход чухал үүрэг гүйцэтгэн ажиллажээ. Хөлгийн баг таван удаагийн холболт, хоёр удаагийн салгалт, болон хоёр удаагийн байршил шилжилтийг мөн амжилттай биелүүлсэн юм.
Хөлгийн багийн гишүүдийн биеийн байдал сайн байна. “Шэньжөү-14” нисэгчтэй сансрын хөлгийн баг 2022 оны 6-р сарын 5-нд Жючуань хөөргөх төвөөс сансарт хөөрсөн юм.
