Засгийн газрын өнөөдрийн хуралдаан үргэлжилж байна. Хуралдаанаар “Эрдэнэс Монгол” компанийн Гүйцэтгэх захирлаар Эдийн засаг, хөгжлийн яамны дэд сайд С.Наранцогтыг тус албан тушаалд томилжээ.
С.Наранцогт нь Эдийн засаг, хөгжлийн яамны дэд сайдаар томилогдохоос өмнө Сангийн яамны Төрийн нарийн бичгийн даргаар ажиллаж байсан юм.
С.Наранцогт МУИС, Сөүлийн их сургуулийг тус тус төгссөн, физикч, математикч, доктор (PhD) юм. Сангийн яам, БСШУЯ, Хөдөлмөрийн яаманд газрын даргын албыг хашсан. Төрийн банкны ТУЗ-ийн гишүүн бөгөөд ТУЗ-ийн дэргэдэх Хүний нөөц, урамшууллын асуудал эрхэлсэн хорооны даргаар ажиллаж байв.
БОЛОВСРОЛ
1988 онд Мандалговь хотын 1-р сургууль
1990 онд МУИС-н гүнзгийрүүлсэн сургалттай тусгай лицей сургууль
1994 онд МУИС-н физик математикийн сургууль, Бакалавр
2001 онд МУИС-н магистр докторын сургууль, Магистр
2008 онд Сөүлийн Үндэсний Их сургууль, Доктор PhD /Инженерийн Эдийн засаг/
2013, 2014 онуудад Харвардын Их Сургуульд Төрийн Санхүүгийн удирдлагаар мэргэжил дээшлүүлсэн.
