Нийслэлийн 2023 оны эхний хэлэлцүүлэг болж, хотын дарга Д.Сумьяабазар 1 их наяд 742.3 тэрбум төгрөг зарцуулах төсвийн танилцуулгадаа “…төсвийн бүх шатны байгууллага, төрийн өмчийн оролцоотой хуулийн этгээд Төрийн хэмнэлтийн тухай хуулийг үргэлжлүүлэн хэрэгжүүлж, санхүүгийн сахилга батыг мөрдөнө.” гэж хэлсэн нь баруун гараа өргөж дэмжээд, зүүн гараараа салаавч гаргаж гаргаж буйтай ижил үг, үйлдэл байж.
2022 онд төсөвлөж зарцуулсан түгжрэлийг бууруулах 420 тэрбум хаачив? гэж хотын даргаас асууя. Түгжрэл ч буурсангүй, улам бүр нэмэгдсээр. Аргаа бараад хот хариуцсан сайд томилсон ч сайд нь төсвийн хэлэлцүүлэгт ирсэнгүй.
2023 оны төсөвт буй өндөр дүнтэй, үр ашиггүй ажлуудын нэг нь “Туул, Сэлбэ гол орчмыг сайжруулах төслийн нэгж”-д 3,1 тэрбум төгрөг төсөвлөж, мэргэжлийн бус Б.Цэцэг гэдэг эмэгтэйгээр төслийн нэгжийн удирдагчаа томилж байгаа нь хачирхалтай. Сошиалд бахирсан болгоны амыг барихад ийм өндөр дүн хэрэгтэй гэж үү?
Дотоодын компани, иргэддээ Сэлбэ, Туулыг тохижуулаад, үйлчилгээ нээж үр ашгийг нь хүртэх боломж олгосон бол, хөрсөн дээрээ буусан төсөв төсөвлөж, мэргэжлийн хүнээр удирдуулсан бол, хотын даргыгаа хоёр гараа өргөөд дэмжих байлаа.
Төрийн алба эрх мэдлийн тоглоом, төсвийн мөнгө гар арчдаг цаас биш ээ.
Урд нь тохижуулна гэсэн компани нь хийгээгүй мөнгийг нь зусалчихсан тэр компаний захирал болон хариуцаж байсан хүмүүст нь хариуцлага тооцож төлүүл.Мөн тэр компанийг шалгаруулж ажил өгсөн нөхдүүдийг шалгаж олж шийтгэл амсуулах хэрэгтэй.
Ёооё Цэцэг байх даа яахав. Инженерээр хийлгээчээ