Энэ жил Япон-Монголын дипломат харилцаа тогтоосны 50 жилийн ой болж байна. Ойн хүрээнд тэмдэглэлт арга хэмжээний Япон талын зохион байгуулах комиссын нарийн бичгийн даргаар Япон Улсаас Монгол Улсад суух онц бөгөөд бүрэн эрхт Элчин сайд асан, 50 жилийн ойн тэмдэглэлт арга хэмжээний Япон талын ажлын хэсгийн тэргүүн Такэнори Шимизү ажиллаж байгаа юм. Энэ комиссын дотор парламентын гишүүн, эдийн засгийн байгууллагууд, Монголын Японд суугаа хүндэт консул, Монголтой харилцаатай ажилладаг байгууллагууд хамтран ажиллаж байна.
Түүнчлэн Японоос хоёр удаагийн тусгай нислэгээр Японы дөрвөн арлын нэг болох Шикокү арлын Токүшима мужаас 150 хүн ирнэ. Хоёр жилийн өмнө дуучин Кон Ёкогийн тоглолтыг Соёлын төв өргөөнд хийхээр төлөвлөж байсан ч коронавирусний цар тахлаас болоод хойшлуулсан. Харин одоо байдал гайгүй болж, Японоос хүмүүс Монголд ирэх боломжтой болсон учраас найм, есдүгээр сард хэд хэдэн үйл ажиллагаа зохион байгуулахаар төлөвлөсний нэг нь энэ тоглолт аж. Мөн Хүүхдийн паркад Японоос залуу дуучид ирж тоглох юм байна. Мөн “Зуурдын сэтгэл” тоглолтыг наймдугаар сарын 20-нд Үндэсний соёл амралтын хүрээлэн дэх “White Rock center”-т хийхээр төлөвлөжээ. “Зуурдын сэтгэл” кино нь хоёр улсын хооронд дипломат харилцаа тогтоосон 1972 оноос өмнө Монголд гарч байсан кино гэнэ. Мөн хоёр улсын хоорондын харилцааг гүнзгийрүүлэхийн тулд парламентын гишүүд, эдийн засагч, найрамдлын нийгэмлэгүүд хамтран Гадаад харилцааны яаманд “Япон-Монголын харилцаа, Өнөөдөр ба ирээдүй” сэдвээр хоёр улсын симпозиум явуулахаар төлөвлөжээ.
Түүнээс гадна Японоос хоёр удаагийн тусгай нислэгээр Японы дөрвөн арлын нэг болох Шикокү арлын Токүшима мужаас 150 хүн ирнэ. Тэдний дунд 50-60 бүжигчин ирж, Сүхбаатарын талбайд наймдугаар сарын 22-нд эртнээс уламжлагдсан олон жилийн түүхтэй Ава одори хэмээх ардын бүжиг бүжиглэнэ. Ава Одори бүжгийг Сүхбаатарын талбайд бүжиглэх гэнэ. Энэ бол Японд наймдугаар сард хэдэн зуун мянган хүн оролцдог том баярын бүжиг. Наймдугаар сарын 22-нд 20 цагт талбай дээр ирээд үзэнгээ хамт бүжиглээрэй.
