“Хэт дэвэргэсэн мэдээллүүд явж байгаа тул мэдээлэл хүргэе.
БНСУ-ын иргэн ЮүТүн-ийг Солонгосоос Монголд аялсан анхны аялагч жүжигчин бөгөөд судалгаагаар Солонгосчууд нэвтрүүлгийг нь үзээд Монгол Улсад аялаж үзсэн гэсэн тоо өндөр байсан үндэслэлээр өргөмжлөл олгосон.
Мөн өргөмжлөл олгосны дараа Монгол эмэгтэйчүүдтэй олон удаа гэр бүл болж, салж байсан мэдээллүүд ирсэн бөгөөд 2022.06.21-ний өдөр буюу томилсоноос 4 хоногийн дараа Өргөмжлөлийг цуцалсан болно. Сайдын зүгээс томилсон тушаал гаргаагүй бөгөөд зөвхөн өргөмжлөл олгох үйл ажиллагааг хийсэн болохыг мэдэгдэе.” гэжээ.
Өмнөд Солонгосын хошин урлагийн жүжигчин, бизнесмэн Юү Түн 2004 онд 48 насандаа 7 дахь удаагийн гэрлэлтээрээ Жаргал хэмээх 14 настай Монгол бүсгүйтэй гэрлэж 1 охинтой болсон. .
Харин 2017 онд 61 насандаа Жаргалаас салж дахин нэг Монгол бүсгүйтэй амьдрал зохиох болсон байна. Хосууд Юү Түны төрсөн хот болох Бусанд хуримаа хийж байв. Тэрээр: “Монголын охид их эрт бэлгийн харилцаанд ордог. Тэд хэдэн ч хүнтэй сууж, салсан хамаагүй яг л Европ шиг байдаг. Та Монголд очоод хэдэн ч настай байсан хамаагүй 17-18 насны эхнэртэй болж болно. Надад чадал байгаа болохоор удахгүй дахиад нэг 19 настай Монгол охиныг эхнэрээ болгон авахаар болсон” хэмээн ядруухан Монгол гэрт авхуулсан нэгэн охины зураг үзүүлсэн байна.
Монголчууд хижээл эр залуу бүсгүйчүүдийг эргүүлж, садар үйлд уруу татахыг “шар сэмжилсэн” гэж дургүйцэн жигшдэг. “Шар сэмжилсэн” харь эр секс аялалын зорилгоор бидний эх орныг зорьдог юм биз!
