Баянгол дүүргийн Худалдан авах ажиллагааны албаны дарга С.Цээсүрэн болон Нийгмийн даатгалын хэлтсийн дарга Б.Алтангэрэл нарыг АТГ-аас энэ сарын 10-ны өдрөөс саатуулан шалгаж эхэлжээ. Хуулийн дагуу түүнийг 48 цаг саатуулах бөгөөд үргэлжлүүлэн цагдан хорих эсэхийг өнөөдөр шийдэх юм.
Эх сурвалжийн өгүүлснээр тэрбээр тендер сонгон шалгаруулахтай холбоотой авлига, албан тушаалын хэрэг үйлдсэн байх магадлалтай бөгөөд Эрүүгийн хуулийн 22.1-д заасны дагуу хэрэг үүсгэн шалгаж байгаа аж.
Ташрамд сануулахад, түүний холбогдсон хэрэг нь эрх мэдэл, албан тушаалын байдлаа урвуулан ашиглах бөгөөд 1-5 жилийн ялтай зүйл анги юм. Харин улс төрд нөлөө бүхий этгээд уг хэргийг үйлдсэн бол 8 хүртэлх жилийн ялтай.
